Willkommen auf jubla.netz! Hier geht’s zur Anleitung.
(Lied-)Text: D’Jubla esch e guete Ort zom mache
Kurzbeschrieb
Organisatorisches
Blaue Tabelle aus dem Dokument
Material: |
|
Sicherheit: |
|
Vorbereitungen: |
|
Bemerkungen: | Kombinierbar z.B. mit Mani Matters „Dr eint hed Angscht: Jubla als Ort wo nicht übereinander, sondern miteinander gelacht wird. |
Beschrieb
D Jubla esch e guete Ort zom mache.
Ohni Angscht, dass öpper chönnt lache...
D' Jubla esch e guete Ort zom mache...
zom Speli mache,
Erfahrige z‘mache,
ou zom mou e Blödsenn mache.
D' Jubla esch e guete Ort zom us Chend jongi Erwachsni –
ond us jonge Erwachsne nomou Chend z mache.
D' Jubla esch e guete Ort zom mache...
zom us Blache Zäut z’mache,
mou e Pouse z’mache,
Lärm verursache.
D' Jubla esch ou e guete Ort zom Konflikt abflache.
D' Jubla esch e guete Ort zom mache...
zom Wanderige mache,
sech Gedanke z’mache,
zom Guetzli bache.
I de Jubla daf mer ou mou Fähler mache.
D' Jubla esch e guete Ort zom mache...
zom Nöis mache,
Senn mache,
zom Nächt döre z’mache.
D' Jubla esch e guete Ort zom us Kompliziertem eifachs z’mache.
D' Jubla esch e guete Ort zom mache...
zom vo sech rede z’mache,
zom Konfi iimache,
Gschechte verzelle met oder ohni Drache.
Ou vo de Jubla daf mer ab ond zue emou en Usziit mache.
D Jubla esch e guete Ort zom mache...
zom Theater mache,
zom Fröid mache,
zom Frönde mache,
segs met Houz oder em Härz - es Füür z’entfache.
Jo, d' Jubla esch e guet e Ort zom mache,
ohni Angscht, dass öpper chönnt lache....
Mängisch ohni au zo vöu z’studiere,
sondern eifach mou probiere,
stuune, wasi alles cha,
was alles good –
wemmer zäme hed ond ned noche lood.
Merke, dass die andere ned öber mech, sondern met mer dönd lache.
Jo, d' Jubla esch e guete Ort zom mache