Liedgeschichte - „Hup drü mol, wenn du glöcklech besch“

Kurzbeschrieb

Ein Kleber auf der Stossstange “Hupe, wenn du glücklich bist” animiert zum Hupen. Verträumt geniesst der Fahrer das Hupkonzert und realisiert gar nicht, dass die rote Ampel schon lange auf GRÜN geschaltet hat und die verzweifelten Personen deshalb hupen.

Refrain:

„Hup drü mol, wenn du glöcklech besch“,

So heisst de Chläber wo uf mim Fahrzüg esch

du glaubsch gar ned, wie vell Lüt de gsänd,

wo vor luter Fröid, nome no horne wänd.

„Hup drü mol, wenn du glöcklech besch“,

So heisst de Chläber wo uf mim Fahrzüg esch

Es esch so schön, gets glöcklechi Lüt,

wo d’ Fröid usdröcked, wenn si horne düend

Vor ere rote Ample be-ni gstande,

de Motor abgstöut, mim Chend e Wetz verzöut

min Fenger esch i de Nase glandet

han det bohred ond gar ned gmerkt, dass es uf grüen hed omgstöut.

Do uf einisch hets hender mir ghuped

ned nome einisch nei drümol esch es secher gsi,

sofort hani dänkt, das esch jo suuper,

weder eine, wo glöcklech min Chläber   --    hed gseh

Refrain:

I ha gseh, dass er ned nor huupe duet,

sondern sogar us em Fänschter luegt,

Han zrogg ghupet ond mini Fröid ehm zeigt,

ha gwonke und der zue    -   mis Lächle teilt.

Derbi hed är no vell intensiiiiver

Sis Glöck usdröckt und uf sim Horn omedröckt.

Ond ech han derzue   --   g’juchzet ond glacht,

ond dänkt, wie glöcklech doch min Chläber --  d’Lüt macht.,

Refrain:

Im Röckspiegel hani - denne gseh,

wie dä henter mer sin Mettelfenger zeigt,

Min Sohn hed gmeint, i müess i doch no ferbii

Das sigi  - e Fröndschaftsgruess gsi.

Är hed de Buch vor Lache gha

Ond ech han ehn ärnscht gnoh,

Han fröndlech mine Fenger usegstreckt

Ond bemerkt, dass das --  d‘Lüt zom Horne asteckt.

Refrain:

Noch dene grosse Glöcks--momänt

hani gmerkt, dass es grüen esch gsi

be ufs Gas gstande, ond han met Aastand

De Gruess zeigt,      ----     allne Lüt

Ha gmerkt, dass iii - der einzig be,

wos öber d’Krüzig schafft,

die andere hend nor no root gseh

schad, dass s’Glöck   ---   so schnell verblasst.

Refrain:

ond d’Moral vo dere Gschecht, die zeigt,

dass ned aues so esch, wie mers mängisch meint.

Dass au s’Hupe sini töcke hed,

au wenn du öberglöcklech hupe wetsch   

Lied von Band Limerick

Lied: https://open.spotify.com/track/45FtsnwczNGfbFYt79P2h9?si=z7LACZe8SrqV-zy2jU1W2g