Lied - Samichlaus-Lied - Bi ba bubi brav

Detailbeschrieb

S’Mammi meint, es wäri schön,

wenn ech e chli bräver wär.

Samichlaus, ech säg der eis,

brav sii esch de öppe schwär

Refrain:

Emmer bi-ba bubi brav,

genau so brav, wie nes Schaf.

Nei, so chann ech ned si.

Samichlaus das gsesch doch ii.

Au wenn s’Mami mängisch schempft

Ond de Papi d’wänd uf gohd

Bitte breng mer glych es Gschänk,

söscht ben ech truurig,- s’wär doch schad!

Refrain

Emmer bi-ba bubi brav,

genau so brav, wie nes Schaf.

Nei, so chann ech ned si.

Samichlaus das gsesch doch ii.

Vellecht meinsch, ech sigi gross,

wel ech scho i Chendsgi goo?

Auso guet, ech werde brav,

foh grad nöchschti Woche aa.

Refrain:

Doch emmer bi-ba bubi brav,

genau so brav, wie nes Schaf.

chann ech gar ned si.

Samichlaus das gsesch doch ii.